Psa 108 | Vulgate_HebPs | STEP | pro victoria David canticum

Psalms 108

1 pro victoria David canticum 2 Deus laudabilis mihi ne taceas quia os impii et os dolosi contra me apertum est 3 locuti sunt de me lingua mendacii verbis odii circumdederunt me et expugnaverunt me frustra 4 pro eo quod eos diligebam adversabantur mihi ego autem orabam 5 et posuerunt contra me malum pro bono et odium pro dilectione mea 6 constitue super eum impium et Satan astet a dextris eius 7 cum fuerit iudicatus exeat condemnatus et oratio eius sit in peccatum 8 fiant dies eius parvi episcopatum eius accipiat alter 9 sint filii eius pupilli et uxor eius vidua 10 instabiles vagentur liberi eius et mendicent et quaerantur in parietinis suis 11 scrutetur exactor universa quae habet et diripiant alieni laborem eius 12 non sit qui eius misereatur nec qui clemens sit in pupillos eius 13 fiat novissimum eius interitus in generatione altera deleatur nomen eius [ (Psalms 108:14) redeat in memoria iniquitas patrum eius apud Deum et iniquitas matris eius ne deleatur ] [ (Psalms 108:15) sit contra Dominum semper et intereat de terra memoria eorum ] [ (Psalms 108:16) eo quod non est recordatus facere misericordiam ] [ (Psalms 108:17) et persecutus est virum inopem et pauperem et conpunctum corde ut interficeret ] [ (Psalms 108:18) et dilexit maledictionem quae veniet ei et noluit benedictionem quae elongabitur ab eo et indutus est maledictione quasi vestimento suo et ingredietur quasi aqua in viscera eius et quasi oleum in ossa eius ] [ (Psalms 108:19) sit ei quasi pallium quo circumdatur et quasi cingulum quo semper accingitur ] [ (Psalms 108:20) haec est retributio his qui adversantur mihi a Domino et qui loquuntur malum contra animam meam ] [ (Psalms 108:21) tu autem Deus Domine fac mecum propter nomen tuum quoniam bona est misericordia tua libera me ] [ (Psalms 108:22) quoniam egenus et pauper sum et cor meum vulneratum est intrinsecus ] [ (Psalms 108:23) quasi umbra cum inclinatur abductus sum et excussus quasi lucusta ] [ (Psalms 108:24) genua mea vacillaverunt a ieiunio et caro mea mutata est absque oleo ] [ (Psalms 108:25) et ego factus sum obprobrium eis videntes me moverunt caput suum ] [ (Psalms 108:26) adiuva me Domine Deus meus salva me secundum misericordiam tuam ] [ (Psalms 108:27) et sciant quoniam manus tua haec tu Domine fecisti eam ] [ (Psalms 108:28) maledicent illi et tu benedices restiterunt et confundentur servus autem tuus laetabitur ] [ (Psalms 108:29) induantur adversarii mei confusione et operiantur quasi indumento confusione sua ] [ (Psalms 108:30) confitebor Domino vehementer in ore meo et in medio populorum laudabo eum ] [ (Psalms 108:31) quoniam stabit a dextris pauperis ut salvet a iudicibus animam eius ]